काठमाडौं। जल तथा मौसम विज्ञान विभागले अझै करिब ३० घण्टा मनसुन सक्रिय रहने भएको जानकारी दिएको छ। विभागको भनाइमा, आगामी ३६ घण्टाका लागि गरिएको मौसम विश्लेषणले यसलाई ठोस आधार प्रदान गरेको छ।
विश्लेषणका अनुसार, बागमती, गण्डकी, मधेस र कोसी प्रदेशका अधिकांश भागहरूमा मनसुन सक्रिय रहने देखिएको छ। यसअन्तर्गत विभागले सबैभन्दा ठूलो प्रभाव बागमती र मधेस प्रदेशमा पर्ने संकेत दिएको छ। यी क्षेत्रहरूमा घनघोर वर्षा भई नदी-नालाहरू मा उच्च बाढी आउने प्रक्षेपण गरिएको छ।
यसैको मध्यनजर विभागले नदीको तटीय क्षेत्रमा बसोबास गर्ने तथा काम गर्ने नागरिकहरूलाई सतर्क रहने र आवश्यक भएमा सुरक्षित स्थानमा सर्ने अपील गरेको छ। मनसुनले ल्याउन सक्ने जोखिमबाट बच्न समयमै सावधानी अपनाउन विभागले जोड दिएको छ।
१८ असोज २०८२, शनिवार ०९:२० मा प्रकाशित
