काठमाडौं, ३ कात्तिक — नेपाल नागरिक उड्डयन प्राधिकरण (CAAN) का महानिर्देशक प्रदीप अधिकारीमाथि सोमबार साँझ सातदोबाटोमा दुर्व्यवहार भएको छ।
अधिकारी घरतर्फ जाँदै गर्दा एन्फा नजिकै केही अज्ञात व्यक्तिहरूले उनको बाटो रोकेर दुर्व्यवहार गरेको बताइएको छ। घटनापछि उनले तत्कालै प्रहरीसमक्ष निवेदन दिएका छन्।
ललितपुर जिल्ला प्रहरी परिसरका प्रमुख एसएसपी होविन्द्र बोगटीका अनुसार, घटना कसले र किन गरेको भन्ने विषयमा अनुसन्धान सुरु भइसकेको छ।
‘हामीले वरपरका सिसीटिभी फुटेजहरू संकलन गर्दैछौं र आवश्यक विवरण खोज्दैछौं,’ एसएसपी बोगटीले अनलाइनखबरसँग भने।
घटनाले एक उच्च सरकारी अधिकारीमाथि सार्वजनिक स्थानमै भएको सुरक्षा चुनौतीप्रति प्रश्न उठाएको छ। प्रहरीको अनुसन्धानपछि मात्र घटनाको पूर्ण विवरण स्पष्ट हुने बताइएको छ।
४ कार्तिक २०८२, सोमबार ०७:२७ मा प्रकाशित
