अमेरिकी राष्ट्रपति डोनाल्ड ट्रम्प र नवनिर्वाचित न्यूयोर्क सिटी मेयर जोहरान ममदानीबीच शुक्रवार ह्वाइट हाउसमा भेट हुने भएको छ। ट्रम्पले सामाजिक सञ्जाल ट्रुथ सोसलमा बुधबार राति लेखेका छन् कि ममदानीले बैठकको लागि अनुरोध गरेकाले उनले भेट गर्नेछन्।ट्रम्पले लामो समयदेखि ममदानीलाई वामपन्थी र कम्युनिस्ट भन्दै आरोप लगाउँदै आएका छन्। तर निकट स्रोतहरूले ट्रम्पले ममदानीलाई प्रतिभाशाली राजनीतिज्ञ र चतुर वक्ता भनी पनि वर्णन गरेको द न्यूयोर्क टाइम्सले जनाएको छ। यो भेट ह्वाइट हाउसमै ट्रम्पको कार्यलयमा हुने छ।ममदानीले जनवरी १ मा कार्यभार सम्हाल्नु अघि जनवरी ३ मा ट्रम्पसँग भेट गर्न पहल गरेका हुन्। चुनावअघि ट्रम्पले ममदानीलाई मत नदिन र रिपब्लिकन उम्मेदवारलाई समर्थन गर्न अपिल गरेका थिए। ममदानी निर्वाचित भएपछि ट्रम्पले संघीय अनुदान काट्ने धम्की पनि दिएका थिए।यो भेटले न्यूयोर्क सहरका सामाजिक र आर्थिक विषय र राजनीतिक दृष्टिकोणमा नयाँ संवादको सुरुवात हुने अपेक्षा गरिएको छ।
