काठमाडौं, असार २१ - दिनभरि परेको अविरल वर्षाका कारण भक्तपुर जिल्लाको साँगामा पहिरो खसेको छ। पहिरोले गर्दा झोलुंगेपुल नजिकैको सडक अवरुद्ध भएको छ।
काठमाडौं उपत्यका ट्राफिक प्रहरी कार्यालयका प्रवक्ता एसपी नरेशराज सुवेदीले पहिरो खस्दा सडकमा हुने आवतजावत रोकिएको जानकारी दिए। उनले शनिबार दिनभरि परेको लगातार वर्षाले विभिन्न ठाउँमा सडक अवरुद्ध भएको पनि बताए।
यस घटनाले स्थानीय यातायातमा गम्भीर असर पारेको छ। प्रहरी र स्थानीय प्रशासनले सडक खुलाउने काममा लागेको छ।
१८ असोज २०८२, शनिवार ०९:१३ मा प्रकाशित
