शान्तिपूर्ण वातावरणमा सम्पन्न सो कार्यक्रममा उपस्थित जनसमुदायले आन्दोलनका क्रममा बलिदानी भएकाहरूको सम्झना गर्दै गहिरो शोक व्यक्त गरेका थिए।
दीप प्रज्वलन कार्यक्रममा सहभागीहरूले दिवंगत आत्माको चिरशान्तिको कामना गर्दै देशमा न्याय, उत्तरदायित्व र राजनीतिक परिवर्तनको मागलाई अझ दृढतापूर्वक अघि बढाउने प्रतिज्ञा व्यक्त गरे। प्रदर्शनकारी युवादेखि समाजका विभिन्न क्षेत्रका प्रतिनिधिहरूको उपस्थिति रहेको सो कार्यक्रममा गीत, कविता र नारा मार्फत बलिदानीहरूको योगदानलाई स्मरण गरिएको थियो।आन्दोलनमा ज्यान गुमाएकाहरूलाई "शहीद" का रूपमा मान्यता दिनुपर्ने मागसहित सहभागीहरूले सरकारलाई जनजीवन सुरक्षित राख्ने र आन्दोलनका निहत्था सहभागीहरूमाथि दमन नगर्न चेतावनीसमेत दिएका थिए।
दीप प्रज्वलनले राजधानीलाई शोक र संघर्षको प्रतीकात्मक रंग दिएको छ। अन्धकारको बीचमा जलाइएको उज्यालो दीपले आन्दोलनको बलिदानी व्यर्थ नजाओस् भन्ने सन्देश दिएको सहभागीहरूको भनाइ छ।
१ असोज २०८२, बुधबार ०६:१० मा प्रकाशित
