रविन्द्र कट्टेल - काठमाडौं - नेपाली कांग्रेसको पन्ध्रौँ महाधिवेशनको सरगर्मीले देशव्यापी रूपमा उत्साह थपिरहँदा नुवाकोट क्षेत्र नम्बर १ बाट एक अत्यन्तै ऊर्जावान् युवा अनुहारले राष्ट्रिय राजनीतिमा ध्यानाकर्षण गराएको छ। ती युवा नेता हुन्, सीताराम पुलामी मगर (राम), जसले आगामी पन्ध्रौँ महाधिवेशनका लागि क्षेत्र नं. १, नुवाकोटबाट केन्द्रीय महाधिवेशन प्रतिनिधिको रूपमा आफ्नो सशक्त उम्मेदवारी प्रस्तुत गर्नुभएको छ। आदिवासी जनजाति कोटाबाट उम्मेदवारी दिनुभएका उहाँको राजनीतिक यात्रा र स्पष्ट एजेन्डाले अहिले समग्र पार्टी पङ्क्तिमा नयाँ रक्तसञ्चार गरेको छ।
एक जुझारु र तरुण युवा नेताको छवि बनाउनुभएका सीताराम पुलामी मगर हाल लिखु गाउँपालिका वडा नम्बर ३ को वडाध्यक्षका रूपमा समेत रहेर जनताको प्रत्यक्ष सेवा गरिरहनुभएको छ। जननिर्वाचित प्रतिनिधिको रूपमा उहाँले भुइँतहका नागरिकसँग स्थापित गरेको आत्मीय सम्बन्ध, कुशल कार्यसम्पादन र उहाँको विकासप्रेमी कार्यशैली नै महाधिवेशन प्रतिनिधि जित्ने उहाँको सबैभन्दा बलियो आधार हो। राजनीतिलाई केवल पदको भर्याङ नभई विशुद्ध समाजसेवा र परिवर्तनको माध्यम मान्ने उहाँको वैचारिक स्पष्टताले गर्दा उहाँ अहिले नुवाकोटका मात्र नभई समग्र देशकै युवाहरूको ढुकढुकी बन्न सफल हुनुभएको छ। वडाध्यक्षको रूपमा उहाँले देखाएको सुशासन र युवामैत्री नेतृत्वले पार्टी भित्र र बाहिर उहाँको लोकप्रियतालाई चुल्याएको छ।
महाधिवेशनको यस ऐतिहासिक घडीमा उहाँले 'परम्पराको सम्मान, परिवर्तनको संकल्प, समुन्नत नेपालका लागि सबल कांग्रेस अबको विकल्प' भन्ने अत्यन्तै अर्थपूर्ण र दूरगामी नारालाई आफ्नो प्रमुख चुनावी एजेन्डाका रूपमा अघि सार्नुभएको छ। यसले एकातिर पार्टीका अग्रजहरूको योगदान र कांग्रेसको गौरवशाली इतिहासप्रतिको उहाँको उच्च सम्मानलाई दर्शाउँछ भने अर्कोतिर समयको मागअनुसार पार्टीलाई रूपान्तरण गर्दै युवा पुस्ताको नविनतम सोचलाई नीति निर्माण तहमा स्थापित गर्ने उहाँको दृढ संकल्पलाई प्रस्ट पार्छ। विचार र व्यवहारको यही सन्तुलित र युग सुहाउँदो एजेन्डाले नै आम कार्यकर्ता, महाधिवेशन प्रतिनिधि र मतदाताको मन जित्न सफल भएको छ।
युवाको जोस, वडाध्यक्षको रूपमा प्राप्त प्रशासनिक अनुभव र आदिवासी जनजाति समुदायको सशक्त आवाजको रूपमा सीताराम पुलामी मगर (राम) को उम्मेदवारीलाई निकै अर्थपूर्ण र शक्तिशाली रूपमा हेरिएको छ। उहाँले ९८५१०८०७१८ नम्बरमा सम्पर्क खुला राख्दै आफ्ना शुभेच्छुक, मतदाता तथा आम कार्यकर्ताहरूसँग निरन्तर संवाद गरी पार्टी निर्माणको आफ्नो स्पष्ट खाका प्रस्तुत गरिरहनुभएको छ। उहाँको अदम्य साहस, प्रष्ट दृष्टिकोण, जनतासँगको प्रत्यक्ष जोडाइ र देशैभरिका युवाहरूबाट प्राप्त अपार समर्थनले नुवाकोट क्षेत्र नम्बर १ बाट उहाँको विजयलाई सुनिश्चित मात्र गरेको छैन, नेपाली कांग्रेसको केन्द्रीय राजनीतिमा एक होनहार, इमानदार र सम्भावना बोकेको युवा नेताको उदयको बलियो सङ्केत पनि गरेको छ।
