तारकेश्वर नगरपालिकाका उत्कृष्ट एस.ई.ई. (२०८२) विद्यार्थीहरूलाई भव्य सम्मान गर्दै, अध्यक्ष सुशील भट्टको नेतृत्वमा मानवीय सेवाको नयाँ अध्याय
रविन्द्र कट्टेल - तारकेश्वर नगरपालिकाभित्रका विद्यालयहरूबाट २०८२ सालको एस.ई.ई. परीक्षामा उत्कृष्ट नतिजा हासिल गर्न सफल विद्यार्थी तथा विद्यालयहरूलाई उच्च सम्मान गर्दै, ‘परिवर्तन अभियान नेपाल’ ले आयोजना गर्ने विशेष सम्मान कार्यक्रम यतिबेला सर्वत्र चर्चा र प्रशंसाको केन्द्रविन्दु बनेको छ। समाज रूपान्तरण, शैक्षिक गुणस्तर प्रवर्द्धन र मानवीय सेवाको पवित्र भावनालाई आत्मसात् गर्दै अघि बढेको यस संस्थाले युवापुस्तामाझ एक शक्तिशाली र प्रेरणादायी सन्देश प्रवाह गरेको छ।
यही जेठ ९ गते शनिबार बिहान ११:०० बजे कान्तिपुर ए.बि. पार्टी प्यालेस, तारकेश्वर - ११, नेपालटारमा आयोजना हुन गइरहेको यस भव्य कार्यक्रमले शिक्षा क्षेत्रमा अहोरात्र खट्ने विद्यार्थी, अभिभावक र विद्यालयलाई थप ऊर्जा र हौसला प्रदान गर्ने निश्चित छ। कार्यक्रममा प्रमुख अतिथिका रूपमा माननीय अर्जुन नरसिंह के.सी. तथा विशेष अतिथिको गरिमामय उपस्थितिमा माननीय निस्कल राई, माननीय खुस्बु ओली र माननीय के.पि. खनाल को सहभागिता रहनेछ। प्रतिष्ठित व्यक्तित्वहरूको यस जमघटले शैक्षिक प्रोत्साहन र सामाजिक उत्तरदायित्वको यस अभियानलाई थप उचाइ र गरिमा प्रदान गरेको छ।
यस पुण्य कार्यको सफलतापूर्वक नेतृत्व गरिरहनुभएका संस्थाका अध्यक्ष सुशील भट्ट आज समाजसेवाको क्षेत्रमा एक चम्किलो नक्षत्रका रूपमा स्थापित भइसक्नुभएको छ। उहाँको अथक प्रयास र कुशल अगुवाइमा 'परिवर्तन अभियान नेपाल' केवल औपचारिक कार्यक्रम वा सम्मानमा मात्र सीमित नभई समाजका विपन्न, असहाय र सीमान्तकृत वर्गको बलियो भरोसा बनेर उभिएको छ। शिक्षा, स्वास्थ्य, राहत वितरण, विपद् व्यवस्थापन र सामाजिक सचेतना जस्ता बहुआयामिक क्षेत्रमा संस्थाले पुर्याउँदै आएको निरन्तर योगदानले स्थानीय समुदायको मुहारमा मुस्कान र मनमा आशा जगाएको छ।
अध्यक्ष भट्टले व्यक्तिगत स्वार्थलाई तिलाञ्जली दिँदै राष्ट्र र समाजका लागि देखाउनुभएको यो समर्पण आजका लाखौं युवाहरूका लागि एक जीवन्त पाठशाला हो। यस अभियानमा उहाँसँगै काँधमा काँध मिलाएर हिँड्ने सम्पूर्ण सहयोगी हातहरू, निस्वार्थ स्वयंसेवकहरू र मनकारी दाताहरू को एकताबद्ध प्रयास पनि उत्तिकै वन्दनीय छ। उहाँहरूकै अथाह खटाइका कारण आज असङ्ख्य नागरिकहरूले राहत र नयाँ जीवन पाइरहेका छन्।
आजको चरम भौतिकतावादी र व्यस्त समाजमा पनि मानवता र सामाजिक उत्तरदायित्वलाई शिरमा राखेर अघि बढिरहेको परिवर्तन अभियान नेपालको यो यात्रा वास्तवमै अनुकरणीय छ। समाजले यस्ता दूरगामी सोच भएका अभियान र त्यसमा समर्पित व्यक्तित्वहरूको सधैँ उच्च मूल्याङ्कन र संरक्षण गर्नुपर्दछ। आगामी दिनहरूमा पनि परिवर्तन अभियान नेपालको यो निस्वार्थ सेवा यात्रा अझ सशक्त, व्यापक र प्रभावकारी बन्दै जाओस्—यही अनन्त शुभकामना !
