न्यु भिजन नेपाल र वडा नं. ३० को संयुक्त आयोजनामा जेठ १० गतेदेखि ज्ञानेश्वरस्थित ग्यालेक्सी स्कुलमा ५ दिने विशेष शिविर सञ्चालन हुने, शारीरिक र मानसिक रूपान्तरणका लागि आम नागरिकलाई आह्वान
अस्तव्यस्त सहरी जीवन, बढ्दो तनाव, विद्युतीय उपकरणको अत्यधिक प्रयोग र अस्वस्थ खानपानले मानव जीवनलाई दिनानुदिन जटिल र रोगी बनाइरहेको वर्तमान परिवेशमा, काठमाडौँ महानगरपालिका वडा नं. ३० ले आफ्ना नागरिकहरूको शारीरिक स्वास्थ्य र आन्तरिक शान्तिका लागि एक ऐतिहासिक र उदाहरणीय पाइला चालेको छ। न्यु भिजन नेपाल काठमाडौँ र काठमाडौँ महानगरपालिका ३० नं. वडा कार्यालय, ज्ञानेश्वरको गरिमामय संयुक्त आयोजनामा वडावासी तथा सम्पूर्ण राजधानीवासी महानुभावहरूलाई लक्षित गर्दै ५ दिने बृहत् 'योग, ध्यान तथा ध्वनि चिकित्सा' को विशेष महाअभियान सञ्चालन हुन गइरहेको छ। 'स्वस्थ शरीर, शान्त मन, आरोग्य जीवनशैली' भन्ने अत्यन्तै सान्दर्भिक मूल मन्त्रलाई आत्मसात गर्दै आयोजना गर्न लागिएको यस रूपान्तरणकारी कार्यक्रमले समाजमा एक नयाँ सकारात्मक ऊर्जाको सञ्चार गर्ने आयोजकको पूर्ण विश्वास रहेको छ।
यस विशेष आरोग्य शिविरको सबैभन्दा ठूलो आकर्षण र गरिमा भनेको नेपालका प्रख्यात सादक तथा महायोगी गुरु गोरखनाथका सुयोग्य शिष्य योगी अशोक शर्मा भट्ट ज्यूको प्रत्यक्ष उपस्थिति र उहाँको विशेष मार्गदर्शन हो। लामो समयदेखि योग, गहन ध्यान र प्राचीन ध्वनि चिकित्सा (साउन्ड हिलिङ) को क्षेत्रमा निरन्तर साधनारत योगी भट्टले हजारौँ मानिसको जीवनमा प्रत्यक्ष सकारात्मक र चामत्कारिक प्रभाव पारिसक्नुभएको छ। उहाँको सान्निध्यमा प्राप्त हुने योग र ध्यानको ज्ञानले मानिसको भौतिक शरीरलाई मात्र नभई सूक्ष्म शरीरलाई समेत रोगमुक्त बनाउन मद्दत गर्दछ। योगी भट्ट ज्यूले प्रदान गर्ने ध्वनि चिकित्सा एक यस्तो अद्भुत र वैज्ञानिक प्राचीन पद्धति हो, जसले विशेष प्रकारका ध्वनि तरंगहरूको माध्यमबाट शरीरका चक्रहरूलाई सन्तुलित गर्ने, मानसिक तनाव, डिप्रेसन र एन्जाइटीलाई जरैदेखि निर्मूल पार्ने र आत्मालाई परमानन्दको अनुभूति गराउने अद्भूत क्षमता राख्दछ। उहाँको योग सिकाउने विशिष्ट शैली र ध्वनिको माध्यमबाट गरिने उपचार पद्धतिले सहभागीहरूलाई पूर्ण रूपमा नयाँ र सकारात्मक ऊर्जाले भरिपूर्ण बनाउने निश्चित छ।
आधुनिक चिकित्सा विज्ञानले समेत पूर्ण रूपमा स्वीकार गरिसकेको ध्वनि चिकित्सा र पूर्वीय दर्शनको अमूल्य निधि योगलाई एकै ठाउँमा फ्युजन गरेर सञ्चालन गर्न लागिएको यो शिविर आफैँमा अद्वितीय छ। योगी अशोक शर्मा भट्ट ज्यूको जादुमयी ध्वनि चिकित्साले अनिद्रा, उच्च रक्तचाप, गहिरो थकान र मानसिक विचलनको समस्या भोगिरहेका सहरीया नागरिकहरूलाई अमृत समान लाभ प्रदान गर्नेछ। यसले शरीरका विकारहरूलाई बाहिर निकाल्दै सकारात्मक र आरोग्य जीवनशैलीतर्फ डोर्याउन एक बलियो सेतुको काम गर्नेछ। जनस्वास्थ्यलाई उच्च प्राथमिकतामा राखेर गरिएको न्यु भिजन नेपालको यो सत्प्रयास र काठमाडौँ महानगरपालिका वडा नं ३० को जनमुखी सहयोगले यस क्षेत्रलाई एक स्वस्थ, सचेत र आध्यात्मिक रूपमा जागृत वडाको रूपमा स्थापित गर्न महत्त्वपूर्ण भूमिका खेल्नेछ। यो कार्यक्रम केवल एक शारीरिक व्यायामको कक्षा मात्र नभई मानिसको समग्र जीवनलाई सकारात्मक दिशामा मोड्ने एक जीवन-दर्शनको पाठशाला साबित हुनेछ।
यस अमूल्य अवसरबाट अधिकतम लाभान्वित हुन सम्पूर्ण वडावासी तथा काठमाडौँ उपत्यकावासी महानुभावहरूलाई आयोजक संस्थाले सविनय र हार्दिक निमन्त्रणा गरेको छ। आफ्नो अत्यन्तै व्यस्त दैनिकीबाट केही समय निकालेर आफू, आफ्नो स्वास्थ्य र आन्तरिक शान्तिका लागि लगानी गर्ने यो सुवर्ण अवसर यही आगामी जेठ १० गतेदेखि जेठ १४ गतेसम्म सञ्चालन हुँदैछ। ज्ञानेश्वरस्थित ग्यालेक्सी स्कुलको शान्त र फराकिलो प्राङ्गणमा हरेक बिहान ५:०० बजेदेखि बिहान ७:३० बजेसम्म सञ्चालन हुने यस ऊर्जाशील शिविरमा सहभागी भएर आफ्नो शारीरिक, मानसिक र आध्यात्मिक स्वास्थ्यलाई नयाँ उचाइमा पुर्याउन सकिनेछ। सम्पूर्ण उमेर समूहका व्यक्तिहरूलाई लक्षित गरिएको यस विशुद्ध स्वास्थ्यवर्धक कार्यक्रममा समयमै उपस्थित भई महायोगीको ज्ञान, ध्वनि चिकित्साको आनन्द र आरोग्य जीवनको अमूल्य उपहार प्राप्त गर्नुहुन न्यु भिजन नेपाल र वडा कार्यालयले सम्पूर्ण आम जनमानसमा जोडदार अपिल गरेका छन्।
