रविन्द्र कट्टेल - काठमाडौं । हालैको विनाशकारी विपद्बाट प्रभावित नागरिकको राहत तथा पुनर्स्थापनाका लागि लक्ष्मी सनराइज बैंक लिमिटेडले प्रधानमन्त्री दैवीप्रकोप उद्धार कोषमा ३ करोड २४ लाख रुपैयाँ (NPR 32.4 million) आर्थिक सहयोग गरेको छ।
बैंकले “Together in recovery, together in hope” अर्थात् “पुनर्स्थापनामा सँगसँगै, आशामा सँगसँगै” भन्ने सन्देशसहित सहयोग सार्वजनिक गरेको हो।
राहतपछि पनि पुनर्निर्माणको यात्रामा साथ
बैंकले तत्कालीन राहत प्रयासमा मात्र आफ्नो सहयोग सीमित नराख्ने जनाएको छ। प्रभावित समुदायले दीर्घकालीन पुनर्स्थापना र पुनर्निर्माणको यात्रा सुरु गरिरहेका बेला पनि सहयोग जारी राख्ने प्रतिबद्धता बैंकले व्यक्त गरेको छ।
विपद्ब बाट प्रभावित परिवारको जीवन सामान्य अवस्थामा फर्काउन राहतसँगै दीर्घकालीन पुनर्स्थापना आवश्यक हुने भएकाले बैंकको यो प्रतिबद्धतालाई सामाजिक उत्तरदायित्वको महत्वपूर्ण पक्षका रूपमा हेरिएको छ।
उद्धारकर्मी र स्वयंसेवकप्रति उच्च सम्मान
लक्ष्मी सनराइजले विपद्को समयमा प्रभावित नागरिकसम्म राहत, हेरचाह र सहयोग पुर्याउन निरन्तर खटिएका उद्धार टोली, स्वयंसेवक तथा सम्पूर्ण सहयोगीप्रति गहिरो आभार व्यक्त गरेको छ।
संकटको घडीमा आफ्नो ज्यानको जोखिम मोलेर उद्धार तथा राहतमा खटिनेहरूलाई धन्यवाद दिँदै बैंकले उनीहरूको योगदानप्रति सम्मान प्रकट गरेको हो।
पीडित परिवारप्रति सहानुभूति, आगामी दिनमा आशाको कामना
बैंकले विपद्बाट प्रभावित सबैप्रति गहिरो सहानुभूति व्यक्त गर्दै आगामी दिनले शक्ति, उपचार र नयाँ आशा ल्याओस् भन्ने कामना गरेको छ।
राहत, उद्धार र पुनर्स्थापनाको अभियानमा निजी क्षेत्रको निरन्तर सहयोग आवश्यक रहेको सन्दर्भमा लक्ष्मी सनराइजको ३ करोड २४ लाख रुपैयाँको योगदानले प्रभावित समुदायप्रतिको ऐक्यबद्धता र सामाजिक जिम्मेवारीको बलियो सन्देश दिएको छ।
